仲有五日，就放大大假啦！

       終於處理完一啲事，暫時可以放下心頭大石，好好地甘用愉快的心情準備迎接我嘅超級大假---一個月嘅假期！

        同KC遠距離加分開左半年，終於係下星期六就可以見面。

        呢半年一個人係澳門初初個三個月真係過得好辛苦，個個同事一到星期五就龍精虎猛，我就心唸：＂星期六日又要一個人係屋企＂，初初只想呢埋一個人係屋企，唔開心又唔願見朋友，好在慢慢適應返，然後甘就過左半年，下星期就可以飛去多倫多啦！

         其實突然想寫返blog其中一個原因係搵多倫多啲嘢時搵到啲係外國住嘅香港blogger,每日放工返到只有一個人嘅屋企，再加上我平時一個人一星期有4日唔食夜晚飯，基本上每晚都有好多無聊的時間，所以有一排我刨了幾個人嘅blog，睇得多自然就想寫，仲想試下第一次用廣東話黎寫一篇blog,不過廣東話寫就適合寫一啲日常開心嘢〜都好嘅，有時都應該寫啲開心嘢，唔係成日寫太灰個blog無朋友〜😁

          好！呢幾日要日日開開心心咁唔好再唸戈啲煩人嘅嘢，唸下過到去要點同kc拍拖拖！補返足足半年無見嘅日子，未來一個月要日日開開心心甘hea住過，養足精神再返澳門繼續遠距離同處理煩人嘅事！啦，係多倫多呢一個月時間就過得知慢啲，然後係澳門時間就要快啲，希望好快就2015年，可以日日痴住肥仔kc!